Einnig er von á „GT Performance Package“ sem gerir California Special útgáfu bílsins m.a. skemmtilegri í akstri
Ford auðveldar unnendum Mustang að sérsníða bílinn beint frá verksmiðjunni með því að setja á markað útlitspakka sem heitir Stealth Edition, fyrir árið 2022.
2022 Ford Mustang Stealth Edition
Stealth Edition pakkinn (sýndur á myndinni að ofan og nokkrum til viðbótar fyrir neðan) er í boði fyrir 310 hestafla EcoBoost Premium gerðina, sem kemur þá á svartmáluðum 19 tommu felgum, með svörtum merkjum, spegilhúsum og vindskeið á skottlokinu.
Það eru engar vélrænar breytingar, þannig að hver Stealth-útgáfa verður með 2,3 lítra túrbó, fjögurra strokka vél.
2022 Ford Mustang Stealth Edition.
2022 Ford Mustang California Special með GT Performance Package
Ford bætti nýlega „Performance Package“ við California Special eins og áður segir, en áður fékkst sá pakki aðeins fyrir staðalgerð V8-knúna GT bílsins (sbr. myndirnar hér að neðan).
Mustang California Special með GT Performance Package.
Fyrst um sinn aðeins í Bandaríkjunum
Ford sölumenn víðsvegar um Bandaríkin byrja að taka við pöntunum á Stealth Edition og GT Performance pakkanum fyrir California Special síðar á árinu 2021 og áætlað er að afhendingar hefjist á fyrsta ársfjórðungi 2022. Verð hefur ekki verið gefið upp.
(frétt á Autoblog)
Aðrar umfjallanir
Við höfum stundum birt myndir af sérstæðum bílum; sumir hafa vakið athygli fyrir sérstæða hönnun og aðrir vegna þess að þeir eiga sér sérstæða sögu. Hér eru 10 sem hvort tveggja einkennir.
Það eru heldur betur fréttir þegar stórstjörnur sjást á fínum bílum, er það ekki annars? Ehemm…
Árið 1965 fór Ford Mustang eins hátt og unnt var að komast. Upp á hæsta skýjakljúf veraldar á þeim tíma, en það var Empire State-byggingin í New York. Alls er byggingin 102 hæðir en hæsti punktur byggingarinnar er 381 metri.
Tæplega 3 milljarða plastflöskur á ári gætu verið endurunnar til framleiðslu á dekkjum...