Stefna að endurreisn Lancia

• Endurreisnaráætlun Lancia beinist að rafvæðingu, hönnun og  útþenslu utan Ítalíu
• Vörumerki mun koma með allt að 3 nýjar gerðir undir stjórn nýja eigandans Stellantis

Ákaflega hljótt hefur verið um Lancia á Ítalíu síðustu árin, enda er smábíllinn Lancia Ypsilon, sem byggður er á Fiat Panda, eina vörumerki þeirra síðan 2017 og bíllinn er aðeins seldur á Ítalíu.

Þrjár nýjar gerðir á leiðinni

En núna berast þær fréttir frá Tórínó að Lancia ætlar að setja á markað allt að þrjár nýjar gerðir á næstu fimm árum þar sem Carlos Tavares forstjóri Stellantis leitast við að gefa hinu þekkta ítalska vörumerki tækifæri til að lifa til lengri tíma með áherslu á hönnun, rafvæðingu og stækkun umfram eina núverandi markaðinn, Ítalíu, þar sem Lancia hefur aðeins selt eina gerð síðan 2017.

Samkvæmt fólki sem tekur þátt í þessum verkefnum en hefur ekki heimild til að tala opinberlega hefur Ploue verið falið að hanna lítinn bíl, minni crossover og lítinn hlaðbak.

Ploue, sem var útnefndur annar tveggja alþjóðlegra yfirmanna hönnunar hjá vörumerkinu Stellantis hópnum í janúar, en Stellantis er með 14 mismunandi gerðir undir sinni „regnhlíf“. Ploue mun fara tíðar ferðir til fyrrum hönnunarstöðvar Fiat Chrysler Automobiles í Tórínó, þar sem hann hefur einnig umsjón með hönnun Abarth, Alfa Romeo og Fiat. Hann fékk formlega ábyrgð á hönnun Lancia 15. júní.

Önnur gerðin, sem er „crossover“, á að koma á fyrsta ársfjórðungi 2026 og mun aðeins hafa rafhlöðuafl.

Endurvakning með hönnun

Ploue, 58 ára, sem hóf feril sinn hjá Renault árið 1985 „mun hafa persónulega umsjón með“ sköpun nýrra bíla frá Lancia ásamt „litlu og einbeittu teymi“ ungra hönnuða með aðsetur í Tórínó, sagði Stellantis í fréttatilkynningu.

Hjá PSA fékk hann fyrst það hlutverk að leiða endurfæðingu sögulegs vörumerkis með hönnun. Sem stílstjóri hjá Citroen leiddi hann umbreytingu á ímynd vörumerkisins með djarflegum gerðum sem innihéldu C4, C5, C6 og DS3. Ploue var gerður að framkvæmdastjóri hönnunar hjá PSA árið 2009.

Skuldbinding frá Stellantis

Lancia hefur liðið fyrir skort á nýrri vöru og fjárfestingu um árabil. Tilraun til að auka framboð sitt í kjölfar yfirtöku Fiat árið 2011 á Chrysler með því að endurskíra Chrysler vörur þar sem Lancia mistókst illa.

Chrysler 300 stóri fólksbíllinn var boðinn í Evrópu sem Lancia Thema og meðalstór Chrysler 200 fólksbíll og blæjubíll endurskírðir sem Fulvia. Stóri bíllinn Chrysler Town & Country var fluttur inn til Evrópu sem Lancia Voyager. Gerðirnar seldust í fáum eintökum og var fljótt hætt.

Lancia Y selst vel á Ítalíu

Ypsilon, smábíll byggður á Fiat Panda, er með áratuga gamla hönnun en heldur áfram að seljast tiltölulega vel á Ítalíu. Í maí stóð salan í 22.783 eintökum - eða meira en tvöfalt meiri sala Alfa Romeo sviðsins í Evrópu samkvæmt tölum ACEA. Bíllinn skipaði þriðja sætið í aukagjaldaflokknum árið 2020, samkvæmt JATO Dynamics, með meira en 43.000 sölur, eftir Mini og Audi A1.

„Ítalskur glæsileiki“

Tavares sagði við fjármálasérfræðinga í mars og sagði að Lancia feli í sér „ítalskan glæsileika“ og að vörumerkið hafi mikla möguleika til að ná árangri, ekki aðeins á Ítalíu, heldur einnig í „og nágrannalöndunum.“

Í nýlegu viðtali við Automotive News Europe sagði Beatrice Foucher, forstjóri DS Automobiles, að frá fyrsta degi sameiningarinnar hefði hún unnið náið með Lancia og Alfa að því að finna sameiginlegan grundvöll.

Grunnur frá PSA Group

Fyrsta nýja Lancia gerðin, arftaki Ypsilon, mun njóta góðs af tækni sem PSA kom með við samrunann sem skapaði Stellantis. Það mun vera byggt á annarri kynslóð eCMP-grunnsins sem mun verða frumsýndur seint árið 2022, samkvæmt kynningu sem Tavares hélt um miðjan apríl.

Ítölsk málmiðnaðarmannafélög leggja til að Lancia „crossover“-bíllinn gæti verið fjórða gerðin sem framleidd er í hinni endurbættu verksmiðju Melfi á Mið-Ítalíu.

(Automotive News Europe)